-
Anne Marit Noraker
Er du huseigar?
Bygningsvernrådgjevaren kan koma på synfaring, skrive tilstandsrapportar og gi råd om istandsetting av hus og anlegg. Eigarar av bevaringsverdige hus i Valdres kan få inntil 1 gratis dagsverk. Arbeid ut over dette vert fakturert frå Valdresmusea. Uttale etter synfaring blir gjerne brukt som vedlegg til søknadar om istandsetjing.
Kurstilbodet
Kvart år tilbyr vi ulike bygningsvernkurs i til dømes lafting, taktekking, restaurering av vindauge, gamle målingsteknikkar, smiing og muring. Målgruppa er særleg huseigarar, handverkarar og andre med interesse for eldre handverksteknikkar. Nokre av kursa er for ungdom. Bygningsvernkursa blir som regel organisert som samlingar med forelesningar og praktisk øving. Valdresmusea har ikkje ekspertise på alle typer bygningar eller handverk, men kan formidle vidare kven som sit med den beste kompetansen.
Offentleg forvalting, møte og media
Bygningsvernrådgjveraren gjev fagleg bistand til kommunane og fylkeskommunen. Anna formidlingsarbeid skjer gjennom artiklar og kronikkar, foredrag, konferansar og sosiale medium.
Kontaktinformasjon
Odd Arne Rudi, bygningsvernrådgjevar
odd.arne.rudi@valdres.museum.no
Tlf: 61 35 99 07 / 976 89 065
Valdres Folkemuseum, Tyinvegen 27, 2900 Fagernes
Støttespelarar
Innlandet fylkeskommune og Kulturminnefondet gir økonomisk stønad til bygningsvernarbeidet.
- 1/1
Den doble høyløa frå Bergesetra i Hedalsfjellet vart flytt til Bautahaugen Samlinger i 2001. Her ser ein no fleire nye stokkar. Valdresmusea har hatt flerie kurs her der deltakarane har fått lære korleis ein skiftar ut stokkar i tømmerbygningar som står oppe. Dag Lindbråten
