Folkemusikarar/dansarar

Folkemusikkprogrammet har vore den største og viktigaste «merkevara» på Valdres Folkemuseum gjennom 60 år. 

Tanken bak formidlinga er å syne samanheng mellom hus, drakter, musikk og dans (og immaterielle uttrykk særlig på 1800-1900-talet), med vekt på regionale uttrykk - på same måte som dialektane. Då blir ein konsekvens å presentere stoff frå Valdres.

Ramma for programmet bør vere i kronologisk rekkefølgje historisk:

1. Song
2. Munnharpe
3. Langeleik. Instrument og tradisjonar
4. Hardingfela. Instrumentet og ulike tradisjonar (dialektar, klede, fele, spel, takt, springar)
5. Torader og runddans. Nye trendar, også i musikken
6. Springar. Dansen, historikk og samanheng med musikken
7. Halling

• Programmet skal vere på mellom 15 og 20 minutt. 

• Der det er naturleg er det fint med samspel, som døme på nye trendar med utspring i lokale tradisjonar. 

har folkemusikarane ulike ansvar

• Langeleikspelaren er i Rogne og formidlar dansedokketradisjonen. Museet har som mål å ha ein publikumslangeleik og dansedokker i Rogne-bygningen, slik at publikum sjølv kan få prøve. Sjå an publikummet ditt! Be folk sette seg rundt bordet og prøv å få til gode samtalar. Ti minutt før neste program; gå ut på tunet og inviterer publikum inn i Rogne-bygningen.
• Hallingdansaren er på festplassen og er oppsøkande guide og aktiviserar barnefamiliar med godkarsstykkje. Ti minutt før neste program; ta med deg folk frå festplassen til Rogne-bygningen. Opphald deg på tunet/i svalgangen under konserten for å invitere nye publikummarar inn. 
• Hardingfelespelaren har ansvar for å avløyse dei to andre i deira lunsjpauser. Ta elles gjerne med deg fela ut og skap stemning. Han/ho kan også gå innom dei som sit aleine med handverk og formidling i andre hus, til dømes på Kvie og i Hafton-bygningen. Ti minutt før neste program; stem fela i Rogne-bygningen, gjer deg klar til ny konsert. Spel gjerne ein lyarlått for å varme opp fela. Skap stemning!

• Møt den besøkjande på hjarteleg vis, sei hei og ønsk velkomen inn. Snakk med gjesten. 
• Inviter til samtale om folkemusikk, folkedans, instrumentbygging, Hilme-stemnet og folkemusikkmiljøet i Valdres og Noreg
• Fortell at du står midt i ein levande tradisjon. By på seg sjølv, fortel gjerne at du spelar til dømes bassgitar i det lokale rockebandet, men sei i samanhengen at det er naturleg å velje langeleik eller halling i kulturskulen.
• Gjer deg kjent med dagens aktivitetar. Fortell gjerne om kva ein elles kan oppleve på museet; til dømes kafeen, utstillingane og stølen

Lunsjavvikling:

Det må alltid vere folk til stades i eller utanfor Rogne-bygningen og på festplassen mellom programma. Lunsjavvikling må difor skje til ulike tider for folkemusikarane.

Hardingfelespelareen avløyser dei andre to når dei har lunsj og hjelper elles til der det trengs.

Når du kjem om morgonen:

Vakta di startar kl. 10.30 eller 11.00, sjå vaktlista. Du må vere ferdig skifta når vakta startar.

Følg påkledingsinstruksen

Orden og reinhald:

Gå aldri frå bygningen ulåst

Gå aldri frå bygningen før elden i peisen er sløkt

Sørg for orden og reinhald i bygningen du er i. Det inneberer mellom anna å koste Rogne-bygningen kvar dag

NB: Følg instruksen Ver snill med dei gamle husa

NB: Gjer deg kjent med rutinar for brann, førstehjelp og avfall

Når du går for dagen:

Lås grinda i døra og kvitter inn nøkkel i resepsjonen

Anna:

Ny? Som hovudregel legg vi opp til at dei som er nye følgjer ein erfaren dei fyrste dagane.