Helga Myhr kjem til Valdres med den rykande ferske plata "Natten veller seg ut". Plata vart spelt inn på husmannsplassen på Valdres Folkemuseum i sommar. Etter konserten blir det dans.
TID: Fredag 25. oktober 2019 kl. 19.00
STAD: Festsalen Valdres Folkemuseum
PRIS: 150 kr
ARR: Valdresmusea og Hilme året rundt
"Gratulerer med meget vakker plate! Det er ikke mange fiks-fakserier på albumet – det er deg og hardingfela i et rom." Les meir om Helga Myhr og plata i Jazznytt her.
Om Helga Myhr:
Helga Myhr er hardingfelespelar og songar frå Ål i Hallingdal. Ho er ein sterk tradisjonsbærar innanfor solo hardingfele og improviserar seg ofte gjennom dei spesielle slåttane og songane frå heimtraktane. Med stor nyfikenheit mot ulike klangar ein kan finne i hardingfela, fokuserer Myhr på kreativiteten som oppstår når ein går djupt ned i til dømes rytmer, strøkfigurar og tonalitet til ein tradisjon. Myhr spelar elles i ulike band og konstellasjonar. Ho har til dømes gjeve ut to kritikerroste plater med vokalgruppa Kvedarkvintetten og i vår kom debutalbumet til folkemusikkbandet Morgonrode. Våren 2019 vart ho ferdig med studiane ved Norges Musikkhøgskole som utøvande folkemusikar.
I haust kjem hennar fyrste soloalbum på plateselskapet Motvind Records som den fyrste utgåva av den nye serien deira: Perspektiv på norsk folkemusikk. Plata vil innehalde eigne, eksperimentelle tolkningar av folkemusikken frå Hallingdal og denne konserten er ein del av hennar platesleppturné.