-
Natursteinsfjøs i Skakadalen i Vang
Valdresmusea er opptekne av å vidareformidla kunnskap om tradisjonshandverk. Gjennom året har me om lag 10 slike kurs. No er det natursteinsmuring me tek tak i. På kurset skal me setja i stand eit gamalt steinfjøs i Skakadalen. Fjøset skal i sin tur takast i bruk att i aktiv stølsbruk, for geit. Me ynskjer at flest mogleg skal kunne få eit innblikk i denne flotte teknikken som tørrmuring er, og inviterar til fagkveld på Mjøsvang kafé fredag 8. august 19.00.
Program
Elin B. Tangevold: «Kulturminnevern i praksis, konservatorens rolle i møte med tradisjonshandverk». Elin er objektkonservator og arbeider ved Inkognito Konserveringsatelier AS. Dei utfører konserverings- og restaureringsoppdrag for både private kundar, offentlege institusjonar og museum over heile landet.
Knut Andreassen: «Natursteinsmuring, erfaringar gjennom eit langt yrkesliv som tradisjonshandverkar». Knut har gjennom mange år jobba både med restaurering av gamle murverk, og satt opp nye. Då helst som tørrmur. Han og kollega Hans Magne Lunde har hatt mange oppdrag for blant anna Riksantikvaren, og sjølvsagt for private eigarar og dei har ein fin og praktisk tilnærming til faget. Velkomne skal de vera!
Velkomen
TID : Fredag 8. august 19.00.
STAD : Mjøsvang kafé
PRIS : Kr 140. Det vert servert kaffi og litt enkelt å bite i.
Påmelding innan 5. august til bygningsvernrådgjevar Odd Arne Rudi, Odd.Arne.Rudi@valdres.museum.no , eller telefon 97 68 90 65