Leik på alvor

Naturleikeplassen er utvikla med mål om å skape eit unikt og stadtilpassa leikemiljø, forankra i lokale tradisjonar, naturgitte føresetnader og kulturhistorisk formidling. Vi har teke utgangspunkt i naturmateriala på staden, nærleiken til vatn, tradisjonshandverk og dei særskilde kvalitetane ved området.

Det har vore eit mål å synleggjere tradisjonshandverk og lokale byggjeskikkar gjennom bruk av naturmateriale og stadbygde konstruksjonar. Leikeplassen er tenkt som ein integrert del av museumsområdet, der kunnskap om handverk, materialbruk og samspelet mellom menneske og natur gjennom generasjonar vert formidla.

Det har òg vore eit mål å utvikle eit variert tilbod som stimulerer til både fysisk, sosial og kreativ leik. Leikeplassen er utforma med tanke på inkludering og tilpassing til ulike aldersgrupper, slik at både små og større born finn relevante utfordringar og opplevingar. Variasjon i terreng, materialbruk og aktivitetar gir rom for ulike former for utfalding og meistring.

Anlegget er medvite utforma med ustandardiserte løysingar framfor prefabrikkerte leikeapparat, for å gi born eit meir variert, utfordrande og kreativt leikemiljø. Det er lagt vekt på at born skal kunne utforske, skape og utfordre seg sjølve gjennom fri leik, tett på både natur og kulturarv.

Vi har hatt hjelp av landskapsarkitekt Ellinor Aas frå Bjørbekk Lindheim og eigne, innleigde og frivillige krefter i Valdres. Prosjektet er initert og støtta av Sparebankstiftelsen DNB