Valdresmusea bevarer over 700 privatarkiv med arkivmateriale etter bedrifter, foreiningar og privatpersonar i Valdres. Arkivarbeidet følgjer Arkivverkets regelverk.
For nokre av desse privatarkiva finn du også utfyllande informasjon om innhaldet i arkivet ved å gå inn på arkivportalen.no. For å søke i materiale forvalta av Innlandsarkiva sine avdelingar i Valdres, gå til «Arkivinstitusjon» og søk opp og velg «Valdresmusea AS» når du søker.
Innlandsarkiva
Det som tidlegare var Opplandsarkivet har endra namn og vokse i omfang - både geografisk og i talet på medlemer. Innlandsarkiva er eit samarbeidstiltak om privatarkiv mellom Innlandet fylkeskommune og følgande museum i Innlandet: Anno Museum, Gudbrandsdalsmusea, Mjøsmuseet, Norsk Vegmuseum, Randsfjordmuseet, Stiftelsen Lillehammer Museum og Valdresmusea. Innlandsarkiva (Opplandsarkivet) er ikkje eit fysisk arkiv på ein stad, det er eit nettverk og samarbeid mellom dei mange musea som kvar forvaltar sine arkivsamlingar .
Avlevering
Sit du på arkiv som kan vere relevant å avlevere til Valdresmusea? Har du spørsmål? Ta kontakt med oss per e-post. Avlevering må alltid avtalast på førehand. Museet tek ikkje imot materiale utan førehandsavtale.
Innsyn
Alle kan få innsyn i privatarkiva, så lenge det ikke er spesielle hensyn som personopplysingar eller anna som forhindrar det. Om du ønsker innsyn i eit arkiv kan du ta kontakt på epost. Tid for å sjå arkivmateriale må avtalast på førehand. Arkivmateriale er ikkje til heimlån.
