September 2025: Før stortingsvalet møtte engasjerte VG1-elever frå Valdres vidaregåande til inspirasjonsdag på Valdres Folkemuseum. Elevane hadde allereie delteke i debattar og undervisning om demokrati og statsmakter, og var godt førebudde.
Besøket var ein del av prosjektet Ung i dialogen, som har som mål å styrke unge si deltaking i demokratiet. Gjennom samtalar, refleksjon og aktivitetar jobba vi med å skape tryggleik og engasjement – både i møte med kvarandre og med museet som arena.
Musea spelar ei viktig rolle som forvaltarar av kunnskap og truverdige kjelder, og gir eit godt utgangspunkt for kritisk tenking og dialog. Å lytte, lære og vise respekt er sentrale verdiar – viktige byggesteinar i eit levande demokrati.
- 1/3
Teatersport: Elevane arbeidde klassevis i tre grupper. Teatersport-øvingar er både moro og lærerikt når omgrep som utanforskap, likskap og respekt skal utøvast som kroppslege øvingar. - 2/3
Omvising: Omvisinga i utstillingane gjev elevane innblikk i tema som tidlegare ikkje skulle pratast om, anten fordi det var tabu eller berre ikkje vart rekna som viktig. Musea har mange hol i sine samlingar, som ein stadig søkjer å tette. - 3/3
Dialog: Korleis blir samtala om vi ikkje ser på den vi pratar med? I dialog-øvingane øvde vi oss på den gode samtala. Augekontakt, venleg kroppsspråk, nysgjerrigheit og opne spørsmål skapar trygge rammer og får praten til å gå lett.
