16 000 lydspor
Valdres Folkemusikkarkiv er det eldste regionalarkivet for folkemusikk i Noreg. Her er intervju, musikk- og danseopptak med felespelarar, langeleikspelarar, songarar og dansarar, frå 1940-talet og fram til i dag. Folkemusikkarkivet inneheld rundt 16 000 enkeltspor med song og musikk. Arkivet er ein offentleg lytteplass. Alle som vil kan koma og lytte i arkivet, heilt gratis. Det er også mogleg å kopiere song og musikk frå arkivet.
Valdres Folkemusikkarkiv er del av Innlandsarkivet, eit nettverk av museumsarkiv i Innlandet. Innlandsarkivet har avdelingar på Valdres Folkemuseum, Bagn Bygdesamling og Bautahaugen Samlinger. Her tek vi vare på papirarkiv, fotoarkiv og lydarkiv og gjer desse tilgjengeleg for alle interesserte. Arkivarbeidet følgjer Arkivverkets regelverk.
Kontakt oss
Opningstider
Arkivet held til i Folkemusikkhuset på Valdres Folkemuseum, og er ope måndagar, tysdagar og onsdagar, elles etter avtale. Kontakt arkivaren på førehand.
