STAUT, 2026 Martin Litwicki
Velkomen til sommarkveld på museet med STAUT-konsert, feststemning, helsingstaler og underhaldning med elevar i kulturskulen.
TID: Fredag 19. juni 2026 kl. 19.00
STAD: Amfiet, Valdres Folkemuseum
ARR: Valdresmusea
Jubileumsmarkeringa har fått støtte frå Valdres Sparebank og Sparebankstiftelsen Hallingdal.
- 1/1
Om jubilanten Valdres Folkemuseum
I 2026 er det 125 år sidan framsynte menneske stifta Valdres Folkemuseum på Fagernes. I 125 år har museet bidratt til identitet, samhald og stoltheit over lokale kulturtradisjonar.
Valdres Folkemuseum vart stifta i rusen av den nasjonale bløminga, men museet har gjort meir enn å dyrke historien og forfedrane. Aller mest har museet bidrege til fellesskap og tilhøyr, utvikling av ny kunnskap og vidareføring av levande kulturtradisjonar.
Det skal museet halde fram med. Opplyste borgarar er dessutan ein føresetnad for eit velfungerande demokrati – og for samfunnets helse. I 2022 mottok museet prisen Årets museum nettopp for arbeidet med mangfald, inkludering og demokratibygging.