Dei reisande sin kulturkveld

I mange bygder i Sør-Noreg – inkludert Valdres – har tatarar/romanifolk gjennom hundreåra reist gjennom, arbeidd, handla og hatt kontakt med lokalbefolkninga. Dei reisande har vore ein del av det historiske kulturlandskapet i Valdres, men det finst lite dokumentasjon på dette i musea. No inviterer Valdresmusea og Innlandet fylkeskommune til dei reisandes kulturkveld - med kulturelle innslag, foredrag og konsert. Kanskje har publikum også minner, foto eller erfaringar dei vil dele? Alle er velkomne!

TID: Tysdag 8. september 2026 kl. 19.00
STAD: Festsalen, Valdres Folkemuseum
ARR: Valdresmusea, Innlandet fylkeskommune, Taternes Landsforening, kunstnarane Helen Borge Johansen og Hilde Iren Borge, samt andre interesserte i lokalmiljøa
Gratis!

Program kjem seinare

Dei reisande sine kulturaftener er eit prosjekt for å løfte fram romanifolket/taterane sin kultur, auke kunnskapen om dei i Innlandet, setje søkjelys på overgrep og vald og bidra til forsoning i tråd med tilrådingane frå Sannings- og forsoningskommisjonen i 2023 og den tilsvarande rapporten om taterane frå 2015. Dette er eit samarbeid mellom Innlandet fylkeskommune (IFK), Taternes Landsforening, kunstnarane Helen Borge Johansen og Hilde Iren Borge, samt andre interesserte i lokalmiljøa.

Målet med prosjektet er å løfte taterkulturen, auke kunnskapen om taterane i Innlandet, setje søkjelys på overgrep og vald og bidra til forsoning for nasjonale minoritetar og urfolk.

Dette skal skje gjennom ei utstilling av bilete måla av Helen Borge Johansen, som musikar og låtskrivar Hilde Iren Borge har laga songar til. Det blir òg samtale om deira eigne erfaringar som taterar og om kor viktig det er å løfte fram kulturen deira som ein del av det mangfaldige Noreg.

Opplegget blir kombinert med orientering om arbeidet med sanning og forsoning og anna arbeid knytt til romanifolket/taterane i Innlandet, samt dialog om nye tiltak i lokalmiljøa og ein minikonsert. Det kan òg vere aktuelt med innslag frå taterane si handverkshistorie.