Å få arbeide på Valdres Folkemuseum har vore ei lærerik og til dels personleg oppleving. Eg er sjølv fødd og oppvaksen på Gjøvik, men eg har besteforeldra mine her i Valdres. Jobben har gitt meg sterkare tilknyting til røtene mine her. Kvar ettermiddag drog eg heim til bestemor for å fortelje om det eg hadde gjort den dagen, og bestemor kunne sjølv fortelje om det same frå hennar barndom. Bestemor voks opp på ein støl i Nord-Aurdal, så om kvelden kunne vi dele stølskulturen med kvarandre – prosjekta mine på stølen var jo barndommen hennar.
Det var ei unik oppleving å ta gjester med inn til meg og kunne fortelje dei om den barndommen og dele det menneskelege i kulturen. Eg er veldig takksam for erfaringane eg fekk her i sommar, og det er mykje nyttig eg kan ta med meg vidare når eg no skal byrje på snekkarfagbrevet mitt i haust. Valdresmusea stadfesta for meg kor glad eg er i tradisjonshandverk og kulturen rundt det, så dette skal eg halde fram med.
- 1/11
- 2/11
- 3/11
- 4/11
- 5/11
- 6/11
- 7/11
- 8/11
- 9/11
- 10/11
- 11/11
