Kurs i gamle handverk

I samband med restaureringa av Bjørkheimstølen i Vestre Slidre, arrangerer Valdresmusea og Valdres Natur- og Kulturpark kurs i eldre handverksteknikkar og byggjekonstruksjonar. Målet med kursa er å byggje nettverk og varig kompetanse som vil koma handverkarar, eigarar og verneinteresserte i regionen til gode. Valdresmusea er administrativt og fagleg ansvarleg for kursa.

Kurs i muring av eldstad, 13. og 14. august på Bjørkheimstølen
Vi legg opp til åttetimars kursdagar. Fredag 13. august startar vi klokka 08.00. Klokka 12.00 blir det matkvile. Laurdag 14. august startar vi klokka 10.00. Matkvila blir då klokka 15.00. Else Rønnevig syter for mat og drikke i matkvilene.

Kor er Bjørkheimstølen?
Følg E16 frå Fagernes mot Vestre Slidre. Om lag 8,5 km nord for Fagernes (kvit steinkyrkje) tek du til venstre mot Vaset. Passer bom ovafor Brennabu leirskule. Fyrste avkøyring til venstre. Over bakkekammen ser du mot stølslaget Kinnholt. Sjå etter lavvo.

Foredrag på museet
Espen Martinsen held foredrag om bruk av leire i murverk, torsdag 12. august klokka 19.00 på Valdres Folkemuseum. Foredraget er gratis for deltakarane på kurset.  

Oppmoding frå kurshaldaren. Ta med følgjande:
Spade. 
Mureskei.
Varme klede.
Grove gummihanskar.
Steinhamar (cirka 1,5 kilo).